一位102 歲的婆婆, 拿着柺杖慢慢走進診症室。
這是一所政府資助老人院, 我在準備外展到診。
「婆婆, 你叫乜嘢名呀? 好精神喎你。」我對面前的婆婆說。102歲仍然能維持活動能力, 實在是非常厲害, 婆婆肯定保養得宜。
婆婆没有對我有半點理睬。
「佢好聾㗎, 完全聽唔到人講嘢㗎。」在旁的老人院職員看到這樣的情況對我說。
「咁你地平時點溝通㗎? 」我不禁提問。
「有時靠手勢, 有時寫囉。好彩佢識字。」
「婆婆, 你有無唔舒服呀?」我走到婆婆旁邊, 提高聲線, 大聲在她耳邊說。
「聽唔到呀, 我耳聾呀。」婆婆細聲對我說。
我走回坐位, 對婆婆豎起拇指。
「無嘢, 無唔舒服。」她似乎很醒目, 知道面前的我是醫生, 當然是問她有没有不舒服。
「我聾呀。」婆婆再補充。
看看面前電腦, 又摸摸婆婆雙腳, 聽聽她的肺。。。突然。。。我發現婆婆兩邊耳孔都被紙巾塞住!
「咦? 做乜兩隻耳仔都塞住紙巾嘅? 」我轉身問職員。
「佢成日話有嘢會飛入去隻耳個度, 攪到唔舒服, 所以咪搵紙巾塞入去唔俾嘢飛入去囉。」職員嘗試解釋。
我走上前把放進兩邊耳道的紙巾拿開。
「有飛天蟲飛入去㗎, 然後疴出嚟㗎。」我一邊做, 婆婆一邊這樣說。她似乎知道我們在疑惑。
我拿開紙巾一看。。。
嘩! 整個耳道都塞着已變硬的耳垢, 中間還夾雜着紙琗! 怪不得婆婆一點東西都聽不到。
從來我們都不建議用棉化棒或紙巾刮耳, 就是不希望把耳垢越塞越入, 並把棉花或紙琗也塞進去。
我用老人院謹有的器材, 嘗試把耳垢夾出來, 但效果並不理想。。。
我唯有處方橄欖油給婆婆, 希望能軟化耳垢。我亦轉介婆婆到耳鼻喉科。有儀器協助, 應該幾分鐘便能清理耳道。
長者問題, 有時看似複雜, 但其實也可以是很簡單。。。
希望這樣能幫到這位婆婆, 重拾一點聽覺。
Search